6/19 июня – праздник чудотворной Пименовской иконы Богородицы, именуемой «Одигитрия»

Оригинал взят у expertmus в Списание свт. Стефана Пермского на обличение еретиков

Image

Редакция научного Блога экспертов Музея имени Андрея Рублева продолжает знакомить свою многотысячную аудиторию с православными святынями эпохи прп. Андрея Рублева († 1428): http://expertmus.livejournal.com/149545.html

См. по данной теме –

585-летие блаженной кончины прп. Андрея Рублева помянули в обители Преподобного Сергия: http://expertmus.livejournal.com/146909.html

Участники заседания XVII Всемирного Русского Народного Собора в Союзе писателей России почтили 585-летие блаженной кончины прп. Андрея Рублева: http://expertmus.livejournal.com/147883.html

АНДРЕЙ РУБЛЕВ: В ЛИКЕ СВЯТОГО: http://expertmus.livejournal.com/146413.html

Андрей Рублев: 585-летие кончины: http://expertmus.livejournal.com/142299.html

На Украине началось празднование 585-летия блаженной кончины прп. Андрея Рублева († 1428): http://expertmus.livejournal.com/140095.html

В день празднования чудотворной Пименовской иконы Божией Матери предлагаем вниманию благочестивых читателей иконографическую справку об этой чтимой святыне.

Тропарь Пресвятой Богородице пред ея иконой «Пименовская», глас 4:

К Богородице прилежно ныне притецем, / грешнии и смиреннии, и припадeм, / в покаянии зовуще из глубины души: / Владычице, помози, на ны милосердовавши, / потщися, погибаем от множества прегрешений, / не отврати Твоя рабы тщи, // Тя бо и едину надежду имамы.

Кондак Пресвятой Богородице пред ея иконой «Пименовская», глас 6:

Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас,/ верно зовущих Ти:/ ускори на молитву и потщися на умоление,// предстательствующи присно, Богородице, чтущих Тя.

Ин кондак Пресвятой Богородице пред ея иконой «Пименовская», глас 6:

Не имамы иныя помощи,/ не имамы иныя надежды,/ разве Тебе, Владычице,/ Ты нам помози,/ на Тебе надеемся/ и Тобою хвалимся,// Твои бо есмы раби, да не постыдимся.

Богоматерь Одигитрия “Пименовская”.

80-е гг. XIV в.
Константинополь.
На обороте – Благовещение XVIII в.
76 х 62.
Поступила в Третьяковскую галерею в 1930 г. из ГИМ.
ГТГ. Инв. 28638.

Первое летописное упоминание об иконе, именуемой «Пименовская», относится ко второй половине XVI в. В «Книге Степенной царского родословия» о ней сказано: «… в четвертое лето (1407) бысть чюдо на Москве: в дому Тютреневе от иконы святая Богородица иде миро благоуханно… Сию чюдесную икону Богоматери Пимин, митрополит всея Руси, принесе из Цариграда, и многие лета стояла в Соборной велицей церкви на Москве… Тютрум же некто, славный купец, умоли собора того служителей, да принесут в дом его образ той Богоматери и молебная сотворят, яко же обычай есть, иже от веры мнозу желаху тогда видети в дому своем образ той Богоматери. Ныне же поставлена бяще святая та икона в царском дворе в церковь у Благовещения Пресвятыя Богородицы во святом олтари» (ПСРЛ. Т. 18. С. 151; Т. 21. 1913. С. 101Б 421).
Датировка иконы связана с «хождениями» Пимена в Царьград: первый раз Пимен был в Константинополе в 1380-1381 гг., затем в 1385-1386 гг.; во время третьей поездки он умер в Халкидоне (пригороде Константинополя) в 1389 г. Икона была принесена Пименом в Москву либо в 1381, либо в 1386 г.
В рукописном сборнике, составленном сторожем Благовещенской домовой церкви С.Ф. Моховиковым в 1714-1716 гг., о ней приведено пространное «Сказание», где среди прочих чудес отмечено, что «миро шло от главы ее» (Отдел редких книг и рукописей Научной библиотеки МГУ. № 293).
В XIX – начале XX вв. «Пименовская» икона Богоматери праздновалась 6-го июня (по старому стилю, по новому – 19 июня); ныне ее празднование возобновлено.

Для справки: иконография Пименовской иконы Богородицы восходит к полнофигурному типу Одигитрии Перивлепты: http://www.expertmus.com/2012/03/blog-post_4434.html

Ближайшей аналогией является изображение Богоматери в рост на левой панели в диптихе реликвария сербского деспота Фомы Прелюбовича, правившего в Янине (Эпирос), которая датируется последней третью XIVв. и была передана Марией Палеолог в дар монастырю Преображения в Метеорах между 1367 и 1384 гг. (см. фото). Было высказано предположение, что иконография Пименовской иконы Богородицы, в конечном счете, является иконографическим вариантом образа Богородицы с младенцем в одной из мозаик 1310 г. монастыря Хора в Константинополе: http://expertmus.livejournal.com/85462.html

Image

В день празднования чудотворной Пименовской иконы Богородицы Матери наш сайт продолжает также знакомить с памятниками древнерусской учительной литературы, посвященными обличению ереси жидовствующих. Начало см.: http://expertmus.livejournal.com/26248.html#cutid1

[1]А сие списание от правила святых апостол и святых отець, дал владыце наугородцкому Алексею Стефан владыка Перемыский на стриголникы

Егда сотвори бог Адама и Евгу и заповеда ему от единаго древа не ясти и рече ему: «Аще снеси от древа разумнаго, смертью умреши; аще ли не снеси, жив будеши в веки», дьявол, завидев роду человеческому, не могый того слышати, аще человек без смерти будеть, сосуд некак изо обрете себе — змию, и тою прельсти род человечьскый. Тако и ныне завиде дьявол новей благодати, юже дал нам Христос: сему противник, сотона, воздвиже ересь на правоверие. Христос же, не дая волком на расхищение стада своего, воздвиже святыя отца, учителя вселенныя и наставники правоверныя веры по различным местом в коеждо время собор сотвориша и всяку ересь прокляша, еретиком, злым волком, уста заградиша, хитающим словесныя овца Христовы. Последи же всех злая ересь прозябе от Карпа дьякона: яко же змиа оклевета бога[2] Адаму,яко завидника и не хотяща добра роду человечьскому, глаголя ему: «Не того деля возбранил тобе бог ясти от древа разумнаго, дабы еси умерл, но того деля возбранил тобе бог, дабы еси не разумел ни добра, ни зла. Послушай мене: не яжь от древа животнаго, но яжь от древа разумнаго; аще не снеси от древа разумнаго, не разумети ти[3] ни добра ни зла».

Таковым злохитрьством вожи, лживыми словесы прельсти дьявол род человечьскый, и тем древа животнаго удалихомся. Сотворивый же нас, неизреченными щедротами его, пода и нам причащение святых пречистых тайн, истинаго животнаго плода, еже снедши живу быти в векы. И ныне дьявол не престаеть прельщая род человечьскый: и тогда бо отпаде сам славы божия и прельсти род человечьскый, отдали древа животнаго, ныне же от службы отлучена, от церкви изгнана стригольника въздвиже на правоверъную веру и оклеветал весь вселеньскый събор, патриархов и митрополитов, и епископов, и игуменов, и попов, и весь чин священничьскый, яко не по достоянию поставляеми, и такою виною прелыцаа худоумыа, отлучаеть от причащения святых пречистых и животворящих Христовых тайн, и пуще змеиныя прелести постави прелесть: змея прельсти, ино смертью умирают; сего же прелестию в муку вечную идуть. Сам бо Христос рече: «Небо и земля мимо идеть, а словеса моя не мимо идуть. Ядый плоть мою и пия кровь мою во мне пребывает, и аз в нем; аще не снесте плоти сына человечьскаго и не пьете крови его, живота не имате в собе». Стригольник же противно Христу повелеваеть, яко от древа животнаго, от причащения [4] удалятися, яко древо разумное показая им писание книжное, еже и списа на помощь ереси своей, дабы чим воставити народ на священничьскый [5], уподоблялся[6] оному Корею и Дафану и Авирону, иже воставиша народ на Моисея и на Арона, глаголюще: «Егда едини суть, Моисей и Аарон, освящении приносити богу темьян? И мы тако же священницы»; отлучиша народа 200 и 50 вслед себе. Рече же им Моисей: «Искуйте себе кадильницы новы, и вложите в них огнь и положите на ня темьян, и принесите пред бога; яко же господеви годно, тако будеть». Они же непокоривии взяша на себе святительскый сан, и принесоша темьян и покадиша пред храмом сведения. И разгневася на ня господь бог и повеле земле зинути и пожрети я: въследующии же им, и з женами и з детми и с останки их снидоша живии во ад, а оставшии огнем погореша. Тогда убо Моисей и Арон ветхий закон поставиша: стень и образ бысть новому закону Христову: тогда убо Корей и Дафан и Авирон самомними священницы, въставивша[7 ]народ на святителя, живых сведоша во ад. Тако и ныне стригольницы, ни священна имущи, ни учительскаго сана, сами ся поставляют учители народа от тщеславия и высокоумия, и слушающая иже их сводить в погибель. Христос бо спас нашь избра 12 ученика, сия апостоли постави[8], помолився богу отцю, возложи на ня рукы своя и повеле им учити народы; апостоли же, видевше веру Христову пространяющися и учения слова[9] растуще, избираху своя ученикы и поставляху ового попом, ового же епископом, а ового же патриярхом, и тако правила положиша: «Епископа 2 или трие поставять епископа»; епископы же нарекоше патриархов; занеже сами смертни беша, того деля тако уставиша, да не умреть с ними священьство. Сами апостоли взяшя рукоположение от Христа сына божия, и тоже рукоположение даша патриарьхом и митрополитом и прочим священником. По тому правилу и доселе збираются патриарьси и митрополиты, в. коюждо область поставляют патриарха, а патриарх с митрополиты поставляет митрополита, а митрополит же сь епископы поставляет епископа, а епископ [10] с попы и с дьяконы поставляет попы и дьяконы: и тако достойно нам имети всякого священника, яко апостола Христова. Егда священник службу служит, тогда имети его, яко Христа в Сионе с ученикы вечерявша, и тако достойно причаститися от руки его, яко от рукы Христовы, а не разсужая и не распытывая о ереи божии, аще достоин, или не.[11] Всемирный бо учитель Павел к коринфеом пиша глаголеть: «Преже разсужая себе человек, то от хлеба да ясть и от чаши да пиеть, да не в суд себе ясть и пьеть, не рассужаа тела и крови Христовы». Смотрите же, стригольницы, но паче же еретицы, тако ти Павел апостол велел себе расмотряти, а не ерея божия. Или речеши: не достойни суть, духопродавци суть? Христос бо, ведый Июду, хотяща предати его, на вечери от трапезы не отрину его и нозе умы ему, — не осуди его преже суда: «Ты кто еси, осужая чюжаго раба? Своему господеви или стоит или падет: силен бо бог поставити его». Рците ми, еретицы, где хотесте попа взяти себе? Аще глаголите[12]: недостоин есть [13] патриарх, недостойни суть митрополита, то по вашему ныне ни единого[14]попа несть на земли, аще бо который нищеты деля, позна себе[14] без [15]исторов церковных поставлен есть.[15] Но мыслию и верою и исповеданием вси причащаемся к соборней апостольстей церкви; а его же митрополита освятить нам патриарх, того вси чтем, яко Христова наместника, тако же и епископа в коемъждо граде и области, и прозвитеры, яко апостоли Христови. Вам же где есть поставити [16] попа по своей нечистей вере окаянной? Не придет Христос второе воплотитися на земли, не снидеть ангил освятити вам попа, то и тому не подобаеть веровати, по апостолу Павлу, рекшему: «Аще и ангел вам благовестит, паче проповеданнаго приясте, да будет проклят». И како дръзнусте вы [17]учити святителя про устрой церковный,[17] еже взимають у поставляющихся урокы церковный, по апостолу, глаголющю: «Церковники церковью питаются, и олътарницы со олтарем разделяются. Кто бо насади виноград, от плода его не ясть ли, или кто пасеть стадо, от млека стада не ясть ли? Достоин есть делатель мзды своея». Христос бо, спас нашь, егда възва Матвея от мытницы, в апостолы его причте, тогда Матвей сотвори в дому своем велик пир, не токмо единого Христа чтяще, но и апостолов его, но и мног народ, и грешников и мытарев; тогда сам Христос рече: «Не приидох праведных призвати, но грешныхь на покаяние». Аще вы, стригольницы, праведнии мнитеся, то отлучени есте от Христова звания. Не слышите ли апостола, глаголюща: «Аще речем, греха не имам, лжем, истинны ныне несть в нас»? Завистию бо стрекаеми вы, стригольницы, востасте на святители и на попов, сами себе хотяще [18] прехватити честь. Изучисте словеса книжная, яже суть сладка слышати хрестьяном, и поставистеся учители народом, а не помянусте слова Христова, еже рече: «Не входяй дверми в дом овчий, но прелазя инуды, тать есть и разбойник». Всяк бо, не [19] имея поставлениа святительска, учити покушаяся и учителя покаряти, сий не дверьми вшел есть. Тати и разбойницы убивають человекы оружием, а вы, стригольницы, убиваете человекы разумною смертию, удаления ради от пречистых тайн тела и крови Христовы. Не покоряетеся Христу богу, глаголющю: «Аще кто не снесть плоти моея и не пьеть крови моея, и не имает света, ни живота. Ядый мя, тот имать живот вечный, и аз въскрешю и в последний день». Уподобистеся бо онем отметником, иже слово слышав, идоша от Христа и к тому не ходиша с ним. Не разумеете ли, стригольницы, еже во святом еуаггелие писано есть: «Егда ве черяше Христос со ученикы своими, приим хлеб, преломле и даяше учеником своим, глаголя: приимете и ядите, ее есть тело мое, ломимое за вы и за многи во оставление грехов; по сих же приим чашю вина, хвалу въздав, рече своим учеником: пийте от нея вси, се есть кровь моя новаго завета; сим творите мое воспоминание». Тако и доныне иереи службу сотворяють, творять воспоминание спасения страсти Христовы. Аще ли кто от сих пречистых тайн удаляется, то несть истинный хрестьянин, не послушает господа, глаголюща: «Ядый плоть мою и пиа кровь мою во мне пребываеть, и аз в нем». Глаголють бо стригольницы о нынешних святителех и о попех: «Не достойны де их службы, яко [20]не не стяжаша, но[20 ]имения взимають у хрестьян, подаваемое им приношение за живыя и за мертвыя»; а не разумеють окаяннии, оже достойно приимати от подавающих милостыню: сам бо Христос вниде в дом Закхеев обедати и подаваемая ему приимаше. Аще бы не приимал Христос ни от кого же имения, чим бы ученицы шли купити хлеб в град самарейск, егда седе Христос на кладязе? И кое бы сребро носил Июда в ковчежце? И по вознесении Христове, апостоли проповедающе имя Христово, приимаху от приносящих: мнози бо продаяху села и стяжания, и цены их предлагаху пред ногами апостол. Анания же унят от цены села, зле умре с женою своею Самфирою пред ногама апостола Петра. Апостоли бо приимаху от приносящих к ним и подавааху требующим, и сами оттоле стяжаху себе пищу и одеяние: не камена им телеса быша. Вы же, стригольницы, укоряете ядущих и пьющих святителев и попов, яко же жидове Христа,[21 ]глаголюще: [22] «Сесь человек ядець есть и винопивець, и друг[22] мытарем и грешником»; а вы, стригольницы, тако глаголете: «Сии учители пьяницы суть, ядят и пьют с пьяницами, и взимають от них злато и сребро и порты, от живых и от мертвых». И такыми злыми окаянными словесы прельщаете народ! Аще будет, по вашему слову, недостойни святители и Попове, но помянете слово господне, еже рече: «На престоле Моисееве седоша книжницы, фарисеи; вси, еже глаголють вам творити, творите, по делом же их не творите; глаголють бо вам, а не творят». Вы же, стригольницы, почитая святое Еуаггелие, то слово преступаете, которое речено «покорятися учителем», то почитаете на укор священником, а не разумея слова Христова, реченаго во святом Еуаггелии: «Что видеши сучець во очесе брата своего, а у себе не чюеши берна во оце своем; измии, лицемере, первое берно изо очеси своего». Помяните Павла апостола глаголюща: «Аще быхом сами себе разсужали, не быхом осужени были». И пакы рече: «Братьи[23], меншей от большаго да благословится, яко же Авраам от Мелхиседека: не о себе кто честь приимаеть, но званный от бога». Не того деля дал Христос Еуаггелие в мир, чтобы почитая его, смотрити того слова, чим бо кого укорити, но того деля дал есть Христос Еуаггелие, егда почитая его, себе укоряти, и преже себе управляем и ту писание слово видим: «А о сем разумеють вси, яко ученици мои есте, аще любовь имате межи собою». И паки речено бысть: «Да просветится свет вашь пред человекы, да видять дела вашя добрая, и прославят отца вашего, иже есть на небесехь». Се иже слышавше, не мним, яко пред человекы добродетелью нам велено[24] хвалитися, но в том же в святом Еуаггелии обрящем написано: «Егда постишися, да не буди, яко лицемере: посмражают бо лица своя и являются человеком; ты же егда постишися, умажь главу свою елеом и умы лицо свое, да не явишися человеком постяся». Тако же молитися Христос в тайне повеле, всякого тщеславна и высокоумна убежати, не молитися на распутиях и на ширинах градных, ни выситися словесы книжными; не рече бо Христос «просвети свет свой», но «да просветится свет вам»; «ничтоже бо тайно, еже не открыванно будет». Не сам бо кто прославится, но сам бог прославит святыя своя. Вы же, стригольницы, глаголете, оже Павел и простому человеку повеле учити; тогда бо вси неверии быша, а не вам то речено бысть: како вы ныне правоверных христьян смущаете, и святителя и церковь божию приобидети? Не боитеся в Манакануне писаного: «Всяк, иже учит приобидене быти церкви божий, да будеть проклят»? Вы же, стригольницы, уловляете хрестьян тем словом, еже Христос рече ко апостолом: «Не имете влагалищь, ни меди при поясех ваших»; пред страстию же своею рече им: «Егда послах вы без влагалища и без мещца, требовасте ли чего?» Они же реша: «Ничтоже не требовахом». Рече же им Иисус: «Ныне же имейте влагалище и мех». Аще повеле Христос учеником дръжати влагалище или мех[25] то позорно ли держати влагалище и мех?[25] Аще ли речете: «Се многи сбирают имения», то не вы, стригольники, судите им: судятся от бога, или от болшаго святителя. Что ся творити главою, [26] нога сы? [26] Овца будя,[27] пастухом творишися? Не слушайте Григорья Богослова, рекшаго: «Овци, не пасите пастухов». Еще же и сию ересь прилагаете, стригольницы, велите земли каятися человеку,[28] а не слышите господа, глаголюща: «Исповедайте грехи своя и молитеся друг за друга, да исцелеете». Потому же святии отцы уставиша духовных отець, да исповедятся им хрестьяне. Яко же больный человек объявит врачу вред свой, и врач приложит ему зелье, по достоянью вреда того, и исцелеет: тако же духовному отцу исповедает грехи своя, и духовный же отець от грех престати[29] повелит, и против греху положит ему опитемью понести, и того деля ему бог отдасть греха того. А кто исповедается земли, то исповедание не исповедание есть: земля бо бездушна тварь есть, не слышит и не умеет отвечати и не въспретит съгрешающему. Того для не подасть бог прощения грехов к земле исповедающемуся. Сю бо злую сеть дьявол положил Карпом стригольником, что не велел исповедатися к попом, дабы от попов честь ерейскую отнял, еже им Христос дал вязати и разрешати грехи. Сам бо стригольник связан бысть и отлучен от церкве, своей деля ереси, то и иных в ту в неисповеданную погибель введе; еще же в животе своем уразумел то, оже тело его не будеть погребенно со псалмы и песньми, якоже и всякого хрестьянина, того деля почал людем глаголати: «Не достоит де над мрътвыми пети, ни поминати, ни службы творити, ни приноса за умершаго приносите к церкви, ни пиров творити, ни милостыни давати за душю умершаго». Якоже дьявол отпаде аггельскаго сана, того для и многи люди прелыцаеть, дабы не един был в погибели: тако и стригольницы, связани бывше на земли, и иных в свой съуз неправедны привлачают, дабы не едине были связани на небеси и на земли, отлучены от зборныа церкви и [30] в век будущий[30], злыя деля ереси их. Во апостольскых бо правилех писано есть: творити память по умерших; тако же и святии отцы уставиша во всякой службе поминати усопьших, и понахиды по них пети, и кануны уставиша заупокойныя, [31] а то еретицы [31] же не повелеша никако приношениа приносити, ни за упокой поминати его. Великый же учитель церковный Иван Златауст написа: «Аще еси в животе не дал милостыни, поне по смерти дай, а отпусти раба своего на свободу; аще бо детем оставляеши имение свое, напиши часть Христову з детми своими, да того дадят по души твоей». Паки же в Пролозе писано есть: «Прииде прозвитер в баню мытися, обретеся ту человек служа ему. Прозвитер же пода ему две просфире: он же рече: сий хлеб свят есть, не имам его ясти, но хлеб сий за мя ко всемогущему богу принеси: аз бо есмь человек, от шедый света сего; аще будеть услышана молитва твоя за мя, то не обрящеши мене в новую суботу. И се изглаголав, невидим бысть». По сему же разумеем, яко и сами те души просят от нас приношения к богу. В книгах Григорья папы Римскаго писано есть: «Един мних умре, имея 3 златницы; бысть же обычай в манастыри том, ничто же дръжати в кельи своей, того деля по опитемьи умре; а егда же смилися душа та святителю, посла приставника, повеле на всяк день приносите о нем просфиру; в 30-й же день мних той в сновидении старейшине сказа: молитвами твоими, отче, прощена бысть душа моя». В пещере же в киевской Антоньеве един мних умре в гресех и положен бысть в пещере; злый смрад исхожаше из него, и явление бысть о нем: повелевали изврещи псом на снедь, а после же молитвами святого отца Антонья и Феодосья и прочих святых, положеных в пещере той, и ту сущих живых в пещере той святых отець молитвами, ослаба[32] ему бысть, и злая воня преложися[33] на благоухание: се знадба бысть ослабе его. Мы, живии, сотворяем молитву за мертвых, по реченному: «И молитву творите друг за друга». Христос же бог нашь имать власть и по смерти вовреши в муку вечную, или пощадети. Слава великому человеколюбию его, праведному суду! Подобно есть хрестьяном слушати слово Христово[34]: «Блюдитеся от книжник, хотящих ходити во одежах овчиих, внутрь же суть волцы и грабители; от плода их познайте я». О стригольницех же неции безумнии глаголють: «Сии не грабят и имения ни збирают». Фарисеи же таци же беша: постишася двожда на неделю, весь день не ядуща; мытари же, грешницы, со исповеданием приидоша ко Христу, спасошася; фарисея же книжници окаяя, глаголеть господь: «Горе вам, книжницы, фарисеи и лицемери, яко преходите море и сушю сотворити единого пришельца, а егда будет, сотворите его пришельца геоне огненей и сугубейша вам». Таковыи же[35] беша еретицы, постницы, молебницы, книжницы, лицемерницы пред людми чисти творящеся: аще бо бы не чисто житье их видели люди, то кто бе веровал ереси их? Или бы не от книжнаго писания говорили, никто бы не послушал их. Но в книжном писании сами еретицы соблазнишася, тем и иных неразумных совратиша[36]; о сих бо пророцы прорекоша: «Камень притыкания и съблажнению не верующим в Христа» книжное почитание рекоша, правоверным же—недвижимо спасение. Всяк бо, почитаа книжная писаниа без смирения и кротости, ища кого укороти чим, и тем впадает вь ересь, и бывают ему соблажнению камень, и на жизнь вдана ему заповедь обретается ему в смерть. Еще бо нечто и дивне того рку: и бесерменове постятся и от книг глаголють, но не подобает внимати им. О самопоставляющихся учителем апостол рече: «Мнози лжи пророцы изыдоша в мир, но не послушайте словес их и в дом свой не приимате их, да не приобещайтеся делом их злых: слугы бо льстивыя преображаются яко слуги истинны, и сам сотона преображается в аггел светел». Тем же недостойно есть слушати стригольниковых учеников никакову хрестьянину, да не уловлен будет, яко птица, в дьяволе пругле, да не отлучится от бесмертнаго источника, от тела и от крови господа бога и спаса нашего Иисуса Христа, да не будеть осужен в вечную муку; но достойно всякому хрестьянину приходити к церкви божии и слушати пения и чтениа, еже есть во святых церквах, и внимати писаному и в Апостоле и вь Еуангельи, еже почитают священникы, а недостойно их осужати, по реченному: «Не осужайте, да не осужени будете; им же судом судите, осудятся вам». А кто по стригольнической [37] ереси начнеть священников осужати, не токмо неподобно их послушати, но и от града згоже отгнати их; рече бо писание: «Изверзите злое от себе сами; мал квас все вмешение квасит». Христос же спас нашь своим учеником рече: «Блюдитеся от кваса фарисейска», сииречь от учениа[38] тщеславна, от всех сих славим господа бога и спаса нашего Иисуса Христа, давшаго нам плоть свою ясти и кровь свою пити, ему же слава с безначальным ти отцем и сь пресвятым благым и животворящим ти духом, ныне и присно и в веки веком, аминь.

Примечания

[2] Испр; И бог.
[1-3] С Антоний милостиею божиею архиепископ Констянтинограда, новаго Рима, и вселенскый патриарх. Боголюбивый епископе Великаго Новаграда и поддержащиися твоей архиепископи Плескова града и прочих предел, ты же, благородный посадник и тысячкый и вси бояре, и священници и иноци, и вси людие христоименитии господне! Смирение наше, яже от вас божественый и священный събор, промышяюще по длъгу своему же везде вселенныя христьяны, не престает еже писати и учити о вере, елика к миру спасению их. Сего ради с многым въвести потщанием и прилежанием, еже рускаго многочеловечьскаго наказати и умирити многых и великых съблазнений, предваривших завистию лукаваго беса. Понеже възвещено ми бысть о вас, моему смирению по всему священному сбору предсядящу о преже варивших в вас ересех, яже суть расколы, занеже съблазнитеся в время оного Карпа, диакона отлученаго от службы, стриголника, и глаголете: «Недостойни суть презвитери по мьзде поставляемии, недостойно от них причащатися, ни каятися к ним, ни крещениа от них приимати». Но мы немало смутихомся и оскръбехом о сем, ведуще душевную беду, в ню ж впадосте, и недоумехом клюкаваго беса казнем его, и удивихомся, и в иныя вложи пакы нас искушения. Сего ради посла наше смирение и великий сбор боголюбиваго архиепископа Суждалскаго Дионисия к вам с грамотами, мужа честна и благочестива и добродетелна и священных канон известахранителя, да видит вы от нас и благословит вы, и поучит и покажет, и съвокупит вы вси сборней и апостольстей церкви: да увесте вси, яко отлучаяся от церкви самого того Христа отлучается; несть им участиа, ни жребия священным от него, ни в сем веце, ни в будущем, якоже рече господь в святых еуаггелиах своим учеником и апостолом, и еже по них учителем крестьанскым: «Слушая вас, мене слушает, а отметаяйся вас, мене ся отметает>. Святии бо и богоноснии отци изложиша и, вдухновени бывша святым духом, и по еже впасти и востати по прелщении на непрелестный правый пойти путь. Исправите же убо и вы себе, стриголници, наипаче еретици, уведевше, в кое зло впадосте, покоритеся прозвитером вашим и покаиитеся в них же съгрешисте и отступите от ересей своих. Аз бо глаголю се, отець вашь патриарх: съединитеся в благое, в смирение и любовь к ереом, слугам божиим; въздадите церкви божии должное покорение. И понеже несть греха, побежая человеколюбие божие, и аще исповесте, в них же съгрешили есте, испросите прощение и милосердие от служебников святых церквий, и бог, иже апостолы закон полагая, якоже апостол Павел глаголеть: «Покаряйтеся, ти бо бдят о душах ваших, яко слово въздати имуть о вас в день судный», благо вем, в елика съгрешисте. Аще бо ся не будет от вас съкрушенным сердцемь и смиренным, но пребудете даже и до конца несмирени б первом непокорьстве вашем и жесточьстве, и никтоже от нас раздрешит вас, еже на вас възглашено отлучение. И аше кто, възмя речь на прозвитеры, раскол учинит кто от крестьан, проклят да будет. Преже уготовах тобе жилище Едем, а не рай; рай бо место свято есть, якоже церкви олтарь. Церкви бо всем входна есть, та бо ны есть мати поражающи вся крещением святым и питающи вся живущаа нетрудно в ней одезающи же и вселящи вся всельшася в ню; глаголеть бо пророк: «Се работающи церкви ясти имут и насытятся». И пакы: «О чада церковная, съсуще от сесцу ея тук и масть, помажете веселием главы своя». И Давыд рече: «Упиются от обилиа дому твоего, и потоком пища твоея напоиши я». И пакы о одежи священник и о оболщении: «Иереи твои облекутся в правду». И пакы рече господь: «Якоже Каин, не сый освещен на священный сан поревновав священому Авелю, его же завистию уби». И пакы рече господь: «О горе в разуме съгрешающем! Сего ради погубив духновением духа животнаго». Но якоже от древа разумнаго аще снеси от древа животнаго. Аще снеси от древа разумнаго, не разумети.
[4] Испр. по С; И пречистыа.
[5] С священники.
[6] Испр. по С; И удобряяся.
[7] Испр. по С; И нет.
[8] Испр. по С; И нет.
[9] Испр. по С; И слава.
[10] Испр. по С; И епископы.
[11] И не небрежно переправлено на ни; С не.
[12] Испр. по С; И глаголи.
[13] Испр. по С; И еси.
[14-14] Испр. по С; И попапа несть на земли аше бо который ищеты деля поздна бе.
[15-15] Испр. по С; И даров церковных поставлен еси.
[16] Испр. по С; И постави.
[17-17] С уничижити святителя проторы церковными.
[18] Испр. по С; И хотяща.
[19] Испр. по С; И нет.
[20-20] Испр И не стяжаша ни; С не стяжаша но; И на полях строкой ниже зри.
[21] Испр.; И крестятся; С трутни.
[22-22] С Си человекоядци суть и винопивци друзи.
[23] Испр. по С; И нет.
[24] Испр. по С; И велене.
[25-25] Испр.; И нет; С то порозно ли держати влагалище и мех.
[26-26] Испр. по С; И нет.
[27] Испр. по С; И водя.
[28] С далее а не попу.
[29] Испр. по С; И предстати.
[30-30] С в век будущий нет
[31-31] С а по еретице
[32] Испр. по С; И ослепа.
[33] Испр. по С; И приложися.
[34] Испр. по С; И хвалы.
[35] Испр. по С; И таковыих.
[36] Испр. по С; И совратишася.
[37] Испр. по С; И стригалческой.
[38] Испр. по С; И лучения.

Публикуемое “Списание” было впервые издано в «Актах исторических» (т. I, СПб., 1841, № 6) под названием «Послание константинопольского патриарха Антония псковичам об обличении стригольников»; имя константинопольского патриарха (1388—1395), в качестве автора «Послания», действительно упоминалось в обоих списках «Послания» (Рум. № 214 и Синод. № 562), использованных при издании. Однако уже А. Горский и К. Невоструев, нашедшие другой список поучения, написанный от имени «владыки Стефана», справедливо отметили причины, почему произведение это не может быть приписано патриарху Антонию: в «Поучении» упоминается архиепископ суздальский Дионисий, занимавший престол до патриаршества Антония; в «Поучении» содержатся фразы, прямо свидетельствующие о его русском происхождении («митрополита освятит нам патриарх»); наконец, автор «Поучения» ссылается на русский памятник — «Печерский патерик».[1] Вывод А. Горского и К. Невоструева принял А. С. Павлов. Переиздав в своих «Памятниках древнерусского канонического права» (РИБ, т. VI, 1888 и 1908, № 25) «Поучение» по списку, найденному Горским и Невоструевым, А. С. Павлов показал, что вступительная часть «Послания» в списках, содержащих имя Антония, заимствована из подлинных грамот этого патриарха в Новгород.[2]

В настоящее время можно говорить, таким образом, о двух редакциях «Поучения». Первая редакция («Списание Стефана») известна по одному списку:

1) ГИМ, Синод. № 700 (по описанию Горского—Невоструева № 268); 4°; нач. XVI в. Сборник. «Списание», лл. 280—298.

А. С. Павлов указал на существование еще одного списка той же редакции— в сборнике XVII в. Московского архива Министерства иностранных дел (МГАМИД) № 637/1148, но приведенный им шифр, повидимому, ошибочен: содержащийся в Рукописном отделе библиотеки МГАМИД (ныне ЦГАДА, ф. 181) сборник № 637/1148 относится к XVIII в. (а не к XVII в.) и не содержит интересующего нас памятника.

Вторая редакция («Послание Антония») представлена несколькими списками:

2) ГИМ, Синод. № 562; 4°; нач. XVI в. «Послание Антония» — лл. 304 об. — 315 об.;

3) БИЛ, Рум. № 204; 1°; перв. пол. XVI в. «Послание Антония»—лл. 304—315;

4) ГПБ, Соф. № 1323; 1°; перв. пол. XVI в. «Великие Минеи Четии», июльская минея. «Послание Антония»—лл. 449—452;

5) ГИМ, Синод. № 996; 1°; сер. XVI в. «Великие Минеи Четии» (Успенские или Макарьевские), июльская минея. «Послание Антония»—л. 587;

6) ГИМ, Синод. № 182; 1°; сер. XVI в. «Великие Минеи Четии» (Царские), июльская минея. «Послание Антония»—лл. 804—810.

Примечания

[1] Описание славянских рукописей Московской синодальной библиотеки, отд. II, вып. 3, М., 1862, стр. 303—305.
[2] РИБ, т. VI, СПб., 1908, стлб. 211—212.

“Списание” публикуется по списку ГИМ, Синод. № 700 (И) с исправлениями и основными разночтениями (начало, текста) по списку ГИМ, Синод. № 562 (С).
Приводится по изданию: Казакова Н.А., Лурье И.С. Антифеодальные еретические движения на Руси XIV – начала XVI в. М.-Л. 1955.

 

© Блог экспертов Музея имени Андрея Рублева, 2009-2014.

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s